LURRAREN ETA UNIBERTSOAREN ZIENTZIAK
Lurraren zientzien arloan diharduten espezialistek gure planetaren osagai fisikoak eta bertan gertatzen diren prozesu naturalak aztertzen dituzte. Lurraren egitura, lurrikarak, sumendiak, klima-aldaketak, itsasoen mugimenduak eta bestelako fenomeno naturalak aztertzen dituzte, haien bilakaera eta inpaktuak ulertu eta aurreikusteko.
Espezializazio-esparru zabala du: meteorologia (eguraldiaren iragarpena), geologia (lur-egiturak), sismologia (lurrikarak), bolkanologia (sumendiak), hidrologia (uraren zikloa), eta ozeanografia (ozeanoen dinamika).
Haien lana funtsezkoa da arrisku naturalak prebenitzeko eta ingurumenaren babesa bermatzeko. Adibidez, luizi-arriskua duten mendialdeetan egonkortze-neurriak ezartzeko azterketak egiten dituzte, lur-mugimenduak ekiditeko. Halaber, itsasoko uraren mailaren igoerak kostaldeko herrietan izan dezakeen eragina aztertzen dute, uholde-arriskuei aurre egiteko.
Lurraren zientzietako espezialistak hainbat diziplinekin lotuta daude, naturaren dinamika eta arrisku naturalak aztertzeko. Hona hemen arlo nagusiak:
Meteorologia eta klimaren azterketa
Eguraldi atmosferikoa eta klima-patroiak iragartzen dituzte. Adibidez, elur-jausien arriskua neurtzea eski-estazio baten segurtasuna bermatzeko.
Geologia eta lurzoruaren egonkortasuna
Lurraren konposizioa eta mugimenduak aztertzen dituzte; adibidez, luizi arriskua dagoen eremuetan babes-neurriak diseinatuta.
Sismologia eta bolkanologia
Lurrikarak eta sumendi-erupzioak aurreikusten saiatzen dira, horiek prebenitzeko neurriak diseinatuta; adibidez, sumendi baten jarduera handitzen denean ebakuazio-plana prestatuta.
Hidrologia eta ozeanografia
Uraren banaketa eta itsas mugimenduak aztertzen dituzte; adibidez, kostaldeko herri batean uholde-arriskua handituko dela aurreikusten bada, babes-neurriak proposatuta.
Klima-aldaketaren inpaktua eta jasangarritasuna
Klima-aldaketaren eragina ebaluatzen dute eta egokitzapen-neurriak proposatzen dituzte; adibidez, basamortutze-prozesua geldiarazteko lurzorua leheneratzeko teknikak aplikatuta.
Sektore publikoa
Gobernu-agentzietan, babes zibileko eta meteorologia-zerbitzu ofizialetan, ingurumen- eta baliabide naturalen sailetan
Industria eta ingeniaritza
Arrisku geologikoen ebaluazioan, lurzoruaren egonkortasun azterketetan eta energia berriztagarrien proiektuetan
Aseguru-etxeak
Hondamendi naturalen arriskuak ebaluatzen dituzte aseguruak kalkulatzeko
Aholkularitza eta ikerketa-zentroak
Lurraren prozesuak aztertzen dituzte, ingurumen-inpaktua ebaluatzen dute eta proiektu jasangarriak garatzen dituzte
Gobernuz kanpoko erakundeak
Klima-aldaketaren aurkako borrokan, ekosistemen kontserbazioan eta ingurumen-hezkuntzan lan egiten duten erakundeetan
Turismoa eta ekoturismoa
Geologia- eta natura-turismoa sustatzen duten enpresetan, eta fenomeno naturalak interpretatzeko bisitari-zentroetan