ENERGIA BERRIZTAGARRIAK
Energia berriztagarrien sektorea ingurumena errespetatzen duten energia iturrien azterketa, diseinu, ezarpen eta mantentzeaz arduratzen da. Eguzkia, eolikoa, biomasa eta hidroenergia bezalako iturriak erabiltzen ditu, erregai fosilen alternatiba iraunkor bat eskainiz.
Sektore honek funtsezko eginkizuna betetzen du trantsizio energetikoan, klima-aldaketa arintzen lagunduz. Adibidez, mendiko aterpe bati elektrizitatea hornitzea eguzki plakak erabiliz edo herri bateko argiteria publikorako energia eolikoa erabiltzea elektrizitate-kontsumoa jasangarriagoa izan dadin.
Energia berriztagarriak hainbat diziplina biltzen ditu energia garbiaren ekoizpena eta erabilera iraunkorra bermatzeko. Arlo nagusiak jarraian aurkezten dira:
Sistemen diseinua eta instalazioa
Energia berriztagarriak aprobetxatzen dituzten azpiegiturak garatzen eta ezartzen dituzte, hala nola eguzki plakak, aerosorgailuak eta zentral hidroelektriko txikiak. Esaterako, herri bateko eraikin publikoetan eguzki plakak jartzea udal energia-autonomia areagotzeko.
Mantentze- eta kontrol-sistemak
Energia berriztagarrien sistemek etengabeko jarraipena eta optimizazioa behar dute haien errendimendua ziurtatzeko. Adibidez, aerosorgailuen paletan higadura-arriskua ebaluatzea eta konponketak aurreikustea.
Ingurumen-ebaluazioa
Energia berriztagarrien proiektuek ingurumenean duten eragina ebaluatzen dute. Esaterako, itsasoko parke eoliko batek eragin ditzakeen itsas ekosisteman izan ditzakeen aldaketak aztertzea.
Energia biltegiratzea eta sare adimendunak
Sortutako energia modu eraginkorrean gordetzeko sistemak garatzen dituzte, hala nola bateriak edo hidrogenoaren teknologiak. Adibidez, eguzki-energiak sortutako elektrizitatea egunean zehar biltegiratzea, gauez erabiltzeko.
Energia aholkularitza eta kudeaketa
Energia berriztagarrietan inbertitzeko interesa duten enpresei, udalei eta partikularrei irtenbide onenak aurkitzen laguntzen diete. Esaterako, enpresa batentzako autokontsumo sistema bat diseinatzea energia kostuak murrizteko.
Energia industria
Energia berriztagarrien plantak diseinatu eta kudeatzen dituzte (eguzki-zentralak, parke eolikoak, biomasa-instalazioak)
Energia berriztagarrien proiektuak
Energia garbien proiektuak planifikatu eta gauzatzen dituzte, eskala handian zein txikian.
Fabrikazioa eta teknologia
Energia berriztagarrietarako sistemetarako osagaiak garatzen dituzte, hala nola eguzki plakak, bateriak edo aerosorgailuak.
Aholkularitza eta ebaluazio teknikoa
Enpresa, udal eta entitateentzako energia azterlanak egiten dituzte, ingurumen-inpaktua ebaluatuz.
Ikerketa eta berrikuntza
Energia berriztagarrien teknologiak garatzen eta optimizatzen dituzte haien errendimendua hobetzeko.