Deskarbonizazioan dihardutenek karbono-emisioak murrizten eta mundu jasangarriago baterantz aurrera egiten dihardute lanean. Haien lanak eskatzen du, orobat, energia modu efizienteagoan erabiltzea eta ingurumena babestea. Horrek berekin dakar gutxiago gastatzen duten eraikinak diseinatzea, fabrikak modernizatzea energia gutxiago kontsumi dezaten, mugikortasun jasangarria bultzatzea, eta enpresei edo udalei karbono-aztarna murrizten laguntzea
Proiektuek naturan duten inpaktua ere aztertzen dute, hondakinak kudeatzen dituzte kutsadura saihesteko, ingurumen-larrialdiak prebenitzen dituzte eta kontserbazio-planak garatzen jarduten dute. Haien lana dago trantsizio ekologikoaren muinean: planeta zaintzea eta, aldi berean, pertsonen bizi-kalitatea hobetzea.
Deskarbonizazioan arlo bat baino gehiago sartzen dira:
Isolamendu hobea, klimatizazio-sistema eraginkorrak, eguzki-autokontsumoa.
Makinak modernizatzea eta prozesuak optimizatzea.
Emisioak kalkulatzea eta murrizketa-planak.
Flotak elektrifikatzea eta garraio-ibilbide optimizatuak sortzea.
Hondakin arriskutsuak kudeatzetik hondakin elektronikoak birziklatzera.
Aire, ur eta lurzoru garbiagoak.
Basoberritzea, ekosistemak berroneratzea eta egokitzapen-planak.
Eguzki-energia, eolikoa edo hidrogenoa integratzea trantsizio energetikoko proiektuetan.
Gainera, eguneroko bizitzako eremu oso desberdinekin konektatzen du:
Ekoizpen- eta garraio-katea optimizatzea, emisioak murrizteko.
Hiri berdeak sustatzea, bidegorriak, garraio elektrikoa eta argi adimendunak baliatuz.
Sentsoreak eta adimen artifiziala erabiltzea kontsumoak monitorizatzeko.
Ingurumen-inpaktua murrizten duten laborantza-teknikak garatzea.
Inpaktu txikiko ehunak eta ehun birziklagarriak nola ekoitzi ikertzea.
Deskarbonizazioaren alorreko adituek lan-aukera oso zabala dute:
Eraikin efizienteagoak diseinatzen.
Prozesuak modernizatzen eta emisioak murrizten.
Araudiak sortzen eta plan berdeak bultzatzen.
Enpresei aholkuak ematen.
Kontserbazio- eta jasangarritasun-proiektuak sustatzen.
Teknologia garbiak eta estrategia berritzaileak garatzen.
Belaunaldi berriei jasangarritasunari buruzko prestakuntza ematen.
