SISTEMA INFORMATIKOAK
Sistema informatikoak informazioa automatikoki prozesatzeko, biltegiratzeko eta transmititzeko erabiltzen diren teknologien multzoa dira. Hardwarea (ordenagailuak, zerbitzariak, sentsoreak…), softwarea (sistema eragileak, aplikazioak…) eta sareak (datu-trukea ahalbidetzen duten konexioak) biltzen dituzte. Gaur egun, ia edozein sektoretan ezinbestekoak dira, enpresen kudeaketatik hasi eta osasun-sistemetaraino.
Sistema informatikoek hainbat zeregin errazten dituzte. Adibidez, banku digitalek transakzio guztiak modu seguruan kudeatzen dituzte, ospitale batean pazienteen erregistroak modu azkar eta seguruan kontsultatzeko erabiltzen dira, eta online jokoetan milaka jokalariren ekintzak koordinatzeko, sistema informatikoek prozesatzeko ahalmen handia, latentzia baxua eta segurtasun-protokolo sendoak izaten dituzte.
Sistema informatikoen diseinua eta mantentzea hainbat espezialitaterekin erlazionatuta dago. Hona hemen arlo nagusiak:
Sistema eragileen kudeaketa
Ordenagailuek eta zerbitzariek behar bezala funtziona dezaten sistema eragileak optimizatzen dituzte; adibidez, kiroldegi bateko sistema informatikoa eguneratuta egoteko.
Softwarearen diseinua eta garapena
Sistema informatikoentzako aplikazioak garatzen dituzte; adibidez, sareko joko bateko zerbitzari-sistemak optimizatzea, jokoaren latentzian eraginik izan ez dezan.
Datuen biltegiratzea eta segurtasuna
Informazioa modu seguruan gordetzen eta zifratzen dute; adibidez, enpresa bateko bezeroen datuak babesteko segurtasun-neurriak ezartzea.
Sare-administrazioa eta segurtasuna
Ordenagailuak eta gailuak konektatuta mantentzen dituzte; adibidez, ikastetxe bateko Wi-Fi sarearen funtzionamendua kudeatzea.
Sistema banatuak eta hodeiko informatika
Baliabide informatikoak urrunetik erabiltzeko teknologia garatzen dute; adibidez, musika-streaming plataformen zerbitzariak kudeatzea.
Enpresa teknologikoak
Software-soluzioak eta sareko sistemak garatzen dituzte, beste enpresentzat edo beren produktu propioetarako
Osasun-sektorea
Pazienteen historia klinikoak kudeatzeko eta ospitaleetako baliabideak optimizatzeko sistemak garatzen dituzte
Finantza-sektorea
Bankuek transakzioen segurtasuna eta datuen biltegiratzea kudeatzeko sistema informatiko konplexuak erabiltzen dituzte
Ikerketa
Ikerketa proiektuetan lan egiten dute hezkuntza zentroetan eta unibertsitateetan
Administrazio publikoa
Herritarren zerbitzu digitalak hobetzeko eta kudeaketa administratiboa optimizatzeko sistemak diseinatzen dituzte