EKIPO ETA SARE ELEKTRIKOAK
Etxeko argia pizteko erabiltzen dugun entxufetik mendiko teleferiko baten motor elektrikoraino, dena kableatu, transformadore eta banaketa sareen bidez elikatzen da. Sare eta ekipo elektrikoek prozesu osoa hartzen dute, elektrizitatea sortzen denetik kontsumitzaileei entregatu arte. Elektrizitatearen banaketa eta erabilera egokia ziurtatzeko, profesionalek sistemak diseinatzen, instalatzen, mantentzen eta berritzen dituzte, segurtasun-arauak betez.
Lan-eremu honek etxeetan, industrietan eta energia banatzeko azpiegituretako zereginak barne hartzen ditu. Esaterako, energia banatzeko sareak monitorizatzeko eta diagnostikatzeko tresnak garatzea, sareko arazoak aurreikusteko eta detektatzeko eta energia-hornidura optimizatzeko aukera emanez.
Ekipo eta sare elektrikoen diseinuak eta mantentze lanak hainbat arlo hartzen ditu segurtasun eta eraginkortasun elektrikoa bermatzeko. Arlo nagusiak jarraian aurkezten dira:
Sare elektrikoen diseinua eta instalazioa
Azpiegitura elektrikoak diseinatzen dituzte, hala nola transformadoreak, kable-sistemak eta banaketa-panelak. Adibidez, auzo berri baten sare elektrikoa planifikatzea, etxebizitza guztietarako hornidura egokia bermatzeko.
Mantentzea eta eguneraketa teknologikoa
Ekipo elektrikoen funtzionamendua optimizatzea, energia-galerak ekiditeko eta segurtasuna bermatzeko. Esaterako, zaharkitutako kable-sareak urtez erabili ostean ordezkatzea.
Energia berriztagarrien integrazioa
Eguzki edo haize iturrietatik sortutako energia sare elektriko orokorrean banatzeko sistemak garatzen dituzte. Adibidez, eguzki-plakek sortutako elektrizitatea etxe bateko sare elektrikora modu eraginkorrean konektatzea.
Automatizazioa eta domotika
Sare eta ekipo elektrikoen monitorizazioa hobetzen duten sistemak diseinatzen dituzte. Adibidez, elektrizitate-kontsumoa kontrolatzeko etxeko aplikazioak garatzea.
Segurtasun elektrikoa eta larrialdiak
Sistema elektrikoetako akatsak aztertzen dituzte, argindar etenak konpontzeko. Esaterako, ekaitz baten ondoren hiri bati energia elektrikoa azkar berreskuratzea.
Energia banatzeko enpresak
Sare elektrikoak kudeatzen dituzte, hornidura kontrolatzen eta azpiegiturak mantentzen dituzte.
Industria sektorea
Lantegietan eta ekoizpen instalazioetan kudeaketa elektrikoa optimizatzea
Eraikuntza eta obra zibila
Etxebizitzetan, bulegoetan eta azpiegitura publikoetan instalazio elektrikoak planifikatzea
Mantentze-enpresak
Sare elektrikoen mantentze lanak egiten dituzte, instalazioen funtzionamendu zuzena bermatzeko.
Aholkularitza eta ingeniaritza elektrikoa
Proiektu elektrikoak garatzen dituzte, segurtasun-ebaluazioak egiten dituzte eta eraginkortasun energetikoa lantzen dute.
Ikuskapena eta kalitate kontrola
Instalazio elektrikoek araudia betetzen dutela eta kalitate estandarrak bermatzen dituztela egiaztatzen dute.
Ikerketa eta berrikuntza
Energia-eraginkortasuna hobetzen duten sare elektriko eta sistema adimendunak garatzen dituzte.