FARMAZIA
Farmazia sendagaien eta osasun-produktuen ikerketa, ekoizpena eta kontrola. Osasun-sistemaren funtsezko zutabeetako bat da, sendagaien segurtasuna eta eraginkortasuna bermatuz, bai eremu klinikoan, bai ikerketa eta garapenean.
Farmazialariek hainbat lan egiten dituzte, hala nola sendagaien ikerketa eta formulazioa eta haien segurtasunaren ebaluazioa. Sendagaien kontserbazioa, prestaketa eta banaketa kudeatzen dute, eta baita mendekotasuna sortzen duten substantzien kontrol zorrotza ere. Halaber, osasun publikoaren sustapenean eta ingurumen-kontrolerako estrategietan parte hartzen dute, adibidez, uraren kalitatearen zaintza edo kutsadura farmazeutikoa murrizteko politikak diseinatuz.
Bestalde, saiakuntza klinikoetan parte hartzen dute, sendagai berrien eraginkortasuna eta segurtasuna ebaluatzeko.
Farmakologia eta terapia medikoa
Sendagaien eragina eta dosifikazioa aztertzen dute, tratamendu egokienak aukeratzeko; adibidez, antibiotikoen eraginkortasuna aztertzen dute bakterio desberdinen aurrean, dosi egokiena zehazteko.
Bioteknologia farmazeutikoa
Sendagai biologikoak eta terapia genikoak garatzen dituzte; adibidez, DNA teknologiaren bidez minbizia tratatzeko immunoterapia pertsonalizatuak sortzen dituzte.
Kimika farmazeutikoa
Sendagaien formulazioa eta sintesia aztertzen dituzte, haien egonkortasuna eta bioerabilgarritasuna bermatzeko; adibidez, mina arintzeko pilula bat garatzerakoan, osagai aktiboaren dosia eta gorputzak nola xurgatzen duen aztertzen dute.
Elikagaien eta osasun produktuen segurtasuna
Elikagaien eta kosmetikoen osagaien egokitasuna eta segurtasuna ebaluatzen dituzte; adibidez, larruazalerako kremetan erabiltzen diren konposatu kimikoak probatzen dituzte, erreakzio alergikoak saihesteko.
Osasun publikoa eta ingurumen-farmazia
Hondakin farmazeutikoen eragina aztertzen dute eta ingurumen-kutsadura murrizteko estrategiak garatzen dituzte; adibidez, erabilitako sendagaiak nola birziklatu edo degradatu behar diren ikertzen dute, uraren kutsadura saihesteko.
Industria farmazeutikoa eta osasun-produktuen fabrikazioa
Sendagaien ikerketan, garapenean, ekoizpenean eta banaketan lan egiten dute. Adibidez, minbiziaren aurkako sendagai berri baten formulazioa garatzea
Analisi klinikoetako laborategiak
Lagin biologikoak (odol, gernu edo ehunak) aztertzen dituzte diagnostiko medikoak egiteko. Adibidez, hormona-mailak neurtzeko odol-analisia egitea
Elikagaien industria
Nutrizioa eta gehigarrien segurtasuna kontrolatzen dituzte. Adibidez, elikagaietan kontserbagarri berrien eragina aztertzea
Marketin farmazeutikoa eta araudia
Sendagaien baimenak eta erabilerari buruzko informazioa kudeatzen dute. Adibidez, sendagai baten osagai aktiboaren etiketa-baimena prestatzea
Aholkularitza eta politika zientifikoak
Osasun-politikak eta ingurumen-estrategiak diseinatzen dituzte, erabaki zientifikoetan oinarrituta. Adibidez, antibiotikoen erabilera arrazionala sustatzeko kanpaina bat garatzea