Planeta hautatzailea
Nabigatu planetetan eta ezagutu bakoitzean dauden aukera guztiak.
Industria
Industriaren mundua ingurune liluragarria da: hainbat teknologia eta diziplina biltzen ditu ekoizpen-prozesuak optimizatu eta sistema industrialak sortu eta funtzionarazteko. Mundu hori etengabe ari da garatzen automatizazioan, robotikan, adimen artifizialean, eta ingeniaritza mekaniko eta elektrikoan egindako aurrerapenei esker, besteak beste.
Energia
Energiaren mundua zabala eta askotarikoa da: energia-sorrera, -banaketa eta -kontsumoa hartzen ditu bere barnean, eta jasangarritasuna, energia-efizientzia, klima-aldaketa eta gisa horretako gaiekin lotuta dago.
Bizitza
Izaki bizidunen azterketan oinarritzen den eremu zabal eta askotarikoa da, maila molekularretik hasi eta ekosistema osoen mailara iritsi arte. Arlo honek biologia, genetika, ekologia, bioteknologia, medikuntza eta elkarri lotutako beste arlo asko hartzen ditu.
Eraikuntza
Eraikuntza-mundua azpiegitura- eta eraikuntza-proiektuak diseinatzeaz, garatzeaz eta gauzatzeaz arduratzen den sektorea da.
Mundu digitala
Mundu digitala teknologia digitalaren eta Internet bidezko konektagarritasunaren eraginpean dauden bizitzaren alderdi guztiak hartzen dituen terminoa da. Ekipamendu informatikoetan, gailu mugikorretan, sare informatikoetan eta softwarearen garapenean oinarritzen diren jarduera, industria eta aplikazio ugari biltzen ditu.
Zientzia
Mundu naturala eta haren fenomenoak sistematikoki aztertzen eta ulertzen dituzten diziplinen multzoa da zientzien mundua. Besteak beste, natura-zientziak (fisika, kimika, biologia, astronomia...) biltzen ditu.