INDUSTRI MANUFAKTURA
Fabrikazio industrialean, prozesuak diseinatu eta optimizatzen dira produktuak azkarrago, zehaztasun eta eraginkortasun handiagoz ekoizteko. Hori lortzeko, teknologia eta makineria aurreratuak erabiltzen dira, kalitatea bermatuz eta kostuak murriztuz. Gainera, helburua ingurumen-inpaktua murriztea da, energia aurreztuz eta hondakinak murriztuz.
Fabrikazio industriala eguneroko bizitzako produktu askotan dago. Esaterako, autoen piezak eraginkortasunez fabrikatzen dira, telefono mugikorrak osatzen dituzten pieza txikiak zehaztasun handiz ekoizten dira eta energia berriztagarrietarako osagaiak sortzen dira, hala nola aerosorgailuen palak.
Fabrikazio industrialak materialekin, makineriarekin eta kontrol-sistemekin lotutako hainbat espezialitate biltzen ditu. Arlo nagusiak jarraian aurkezten dira:
Makinen programazioa eta kontrola
Fabrikazio-prozesuak automatizatzen dituzte, hala nola, pieza metaliko konplexuak sortzea programatutako makina erabiliz.
Materialen hautaketa eta erabilera
Material egokiak aukeratzen dituzte euren produktuen kalitatea eta iraunkortasuna bermatzeko, adibidez, egitura aeronautikoen fabrikazioan.
Mantentzea eta optimizatzea
Makinak eta ekoizpen-sistemak egoera onean mantentzen dituzte hutsegiteak saihesteko eta prozesuak hobetzeko.
Kalitate kontrola eta ziurtapena
Produktuak estandarren arabera fabrikatzen direla ziurtatzen dute, adibidez, autoen motorraren piezen neurriak egiaztatuz.
Metrologia eta neurketa sistemak
Neurketa-tresna aurreratuak erabiliz fabrikazioan erabiltzen diren piezen eta tresnen doitasuna bermatzen dute.
Energia-eraginkortasuna eta ingurumena zaintzea
Energia aurrezteko eta ekoizpen prozesuetan hondakin gutxiago sortzeko estrategiak garatzen dituzte.
Automobilgintza
Automobiletarako eta ibilgailu industrialetarako piezak eta osagaiak ekoizten dituzte.
Industria aeronautikoa eta aeroespaziala
Hegazkin eta espazio industriarako osagaiak fabrikatzen dituzte
Industria metalurgikoa
Hainbat aplikaziotarako metalezko piezak sortzen dituzte, hala nola, trenak, eraikinak edo altzairuzko egituretarako.
Energia berriztagarriak
Eguzki-panelak, aerosorgailuak edo osagaiak fabrikatzen dituzte energia-eraginkortasuna hobetzeko.
Elektronika eta teknologia
Gailu teknologikoetarako pieza mekanikoak eta osagai txikiak ekoizten dituzte, hala nola telefono mugikorrak edo ordenagailuak.
Plastikoen eta kautxuaren industria
Plastikozko produktuak eta gomazko piezak egiten dituzte
Ikerketa eta garapena
Fabrikazio-metodo berriak eta material berritzaileak garatzen dituzte industria-sektorea etengabe hobetzeko.